लालबन्दी जेसीज वर्ष -२०२३ को सप्ताह ब्यापी कार्यक्रमको उद्घाटन सत्रमा प्राथमिक स्वास्थ्य केन्द्र सरसफाई तथा गमला र फुल हस्तान्तरण

ताजा समाचार, प्रदेश, मधेस प्रदेश, समाचार, ब्यानर न्यूज

सर्लाही । लालबन्दी जेसीज वर्ष -२०२३ को सप्ताह ब्यापी कार्यक्रमको उद्घाटन तथा पहिलो कार्यक्रम प्राथमिक स्वास्थ्य केन्द्र सरसफाई तथा गमला र फुल हस्तान्तरण गरेको छ ।

लालबन्दी जेसीज वर्ष -२०२३० को सप्ताहब्यापी कार्यक्रम आज बाट सुरु भएको छ ।लालबन्दी जेसीज वर्ष -२०२३ का अध्यक्ष मनोज बख्रेलको अध्यक्षता र कार्यकारिणी उपाध्यक्ष जेसी सुनिता खरेल थपलियाको प्रमुख संयोजकत्वमा ७ वटा फरक फरक कार्यक्रम सहित चल्ने जेसीज सप्ताहको पहिलो दिन आज तिन वटा कार्यक्रम तय भएको थियो ।

उद्घाटन सत्रमा प्राथमिक स्वास्थ्य केन्द्र सरसफाई तथा गमला र फुल हस्तान्तरण गरिएको छ । प्राथमिक स्वास्थ्य केन्द्र सरसफाई तथा गमला र फुल हस्तान्तरण कार्यक्रमका संयोजक प्रवेश न्यौपानेको संयोजकत्वमा सम्पन्न कार्यक्रममा लालबन्दी नगर उपप्रमुख कल्पना माया पाख्रिन , वडा नम्बर -९ का वडा अध्यक्ष तथा स्वास्थ्यकेन्द्र व्यवस्थापन समितिका अध्यक्ष नारायण अधिकारि , वडा नम्बर -७ का वडा अध्यक्ष कृष्ण कार्की गोपाल , स्वास्थ्य केन्द्रका प्रमुख डाक्टर विरुचन चौधरी , लालबन्दी नगरपालिका स्वास्थ्य साखाका सिनियर हेल्थ असिस्टेन्ट रोशन चौधरी , लालबन्दी जेसीजका संस्थापक अध्यक्ष किरण घिमिरे लगायतको उपस्थिति रहेको थियो ।

सप्ताह ब्यापी कार्यक्रम गमलामा फुल रोप्दै उपप्रमुख पाख्रिन ले उद्घाटन गर्नु भएको कार्यक्रम संयोजक प्रवेश न्यौपानेले संचार माध्यम हरुलाई बताएका छन्। कार्यक्रममा २० थान गमला र त्यसमा बिभिन्न प्रजातिका फूलहरु उपलब्ध गराइएको थियो भने अक्सिजन र वातावरनिय सन्तुलन कायम राख्न १० थान बढी कपुर र अन्य वहुउपयोगी विरुवा समेत उपलब्ध गराइएको छ । कार्यक्रमको संचालन लालबन्दी जेसीजका कोषाध्यक्ष सिवहरी गौतमले गर्नुभएको हो ।

बि.एम.एन. न्यूज

BMN News for up-to-the-minute news, breaking news, video, audio and feature stories.

यो समाचार पढेर तपाईलाई कस्तो लाग्यो?

लेखक बाट थप

चीनको चमत्कार रोकिएको छैन

चीनको चमत्कार रोकिएको छैन। रोकिनेवाला पनि छैन। भयंकर भयंकर संरचना र प्रविधिको विकाससँगै विश्वलाई जादुयी प्रगति देखाइरहेकै छ। उच्च गुणस्तरको विकासको सोच। चीनलाई युरोपसँग जोड्ने परिकल्पना। डेढ लाख किलोमिटरभन्दा लामो रेलमार्ग सञ्जाल निर्माण। तीव्र गतिको रेल। समुद्रमा लामो पुल। विश्वकै अग्लो र लामो सिसानिर्मित पुल। किर्तम सुर्य, समुन्द्र माथी एयरपोर्ट, लामै छ चीनको चामत्कारिक विकासको सूची।चीनमा भएको इन्टरनेट सम्मेलनमा रोबोट कुकुरप्रति आकर्षण भएको दृष्य भाईरल भईरहेको छ , पूर्वी चीनको झेजियाङ प्रान्तको वुजेनमा सुरु भएको विश्व इन्टरनेट सम्मेलनमा रोबोट कुकुर, मानवरहित जहाज र सवारी साधनहरूले सहभागिहरुलाई आकर्षित गराएको छ ।जताततै पावरफुल सिसिटिभीबाट सर्भिलेन्स। रोबोटले चलाउने अटोमेटिक सवारी साधनको विकास। रोबोटको उपयोग। सेन्सरको प्रविधिको प्रयोग। अटोमेटिक कार्यस्थलहरू। इतिहास र संस्कृतिलाई प्रविधिसँग जोडेर जीवन्त बनाएको छ चीनले।उहिलेको सिल्क रोडदेखि अहिलेको बेल्ट एन्ड रोड इनिसिएटिभले विश्वलाई घेर्न सफल छ चीन। त्यसै सबभन्दा ठूलो निर्यातकर्ता भएको होइन चिन। गत वर्ष मात्र विश्वको कुल निर्यातमा ११।४ प्रतिशत हिस्सा चीनको छ। हाइटेक प्रविधि निर्यातको त बीस प्रतिशतभन्दा बढी चिनले नै ओगट्छ।यो रचक तथ्य हामीले प्रस्तुत गर्यों, जुन देश प्रविधि र सुचनामा अगाडी छ, त्यो देशका नागरिक देशहित काम गर्छन र सचेत हुँदारहेछन भन्ने तथ्य पनि हो यो ।

कुमार रम्तेललाई पोखरा पठाइयो

काठमाडौ । कालिमाटीस्थित स्वर्णलक्ष्मी सहकारी ठगी प्रकरणमा जोडिएका कुमार रम्तेललाई पोखरा फिर्ता गरिएको छ ।शनिबार काठमाडौ ल्याइएका रम्तेको बयान सकेर सोमबार साँझ पोखरा फिर्ता गरिएको हो । जिल्ला प्रहरी काठमाडौंका एक अधिकृतका अनुसार रम्तेललाई सोमबार साँझ प्लेनमार्फत पोखरा पठाइएको हो ।स्वर्णलक्ष्मी सहकारी ठगी प्रकरणमा पक्राउ पुर्जी जारी भएपछि कास्की कारागारमा रहेका रम्तेललाई झिकाएर प्रहरीले बयान लीएको हो ।रम्तेललाई पोखरा फिर्ता गरिएसँगै आजै कास्की प्रहरीको हिरासतमा रहेका पूर्व डीआईजी छविलाल जोशीलाई काठमाडौं ल्याउन लागिएको छ । काठमाडौं परिसरका एक अधिकृतका अनुसार आज छविलाई ल्याएर बयान गराउने र छवीको बयान सकिएपछि मात्रै रास्वपा का सभापति तथा पूर्वगृहमन्त्री रवि लामिछानेलाई काठमाडौं ल्याउने तयारी छ ।यो सहकारी ठगी प्रकरणमा ६४५ बचतकर्ताले प्रहरीमा जाहेरी दिएका थिए । स्वर्णलक्ष्मीबाट १ अर्ब ११ करोड रकम अपचलन भएको प्रहरीको प्रारम्भिक अनुमान छ ।

दुर्गा प्रसाईं पक्राउ

काठमाडौ। दुर्गा प्रसाईं पक्राउ परेका छन् । उनलाई प्रहरीले भक्तपुरस्थित निवासबाट पक्राउ गरेको हो ।केन्द्रीय अनुसन्धान व्युरो सीआईबी प्रमुख दीपक थापाले उनलाई कानुनी दायरामा ल्याइएको पुष्टि गरे ।सीआईबी प्रमुख दीपक थापाका अनुुसार पक्राउ गरेर व्युरोतर्फ लगेपस्चात थप अनुसन्धान गर्ने सामाजिक सन्जालमार्फत् अफवाह फैलाउनेहरुमाथि हाम्रो सधैं निगरानी रहन्छ । त्यही क्रममा प्रारम्भिक अध्ययन गरेर नियन्त्रणमा लिएका हौं उनले अनलाइनखबरसँग भने ।उनीमाथि प्रधानमन्त्री एवम् एमाले अध्यक्ष केपी शर्मा ओली लगायतविरुद्ध भ्रामक प्रचार गरेको आरोप छ ।

पाकिस्तानमा वायु प्रदूषणको गम्भीर असर

काठमाडौ । हालै पाकिस्तानको दोस्रो ठूलो सहर लाहोरमा प्रदूषणका कारण धुवाँको बाक्लो सतह बनेको थियो जसलाई अन्तरिक्षबाट पनि प्रत्यक्ष रूपमा देखिएको बीबीसीले उल्लेख गरेको छ ।त्यस क्षेत्रमा केही स्थानमा वायुको गुणस्तर निकै खराब भइसकेको र केही क्षेत्रमा एअर क्वालिटी इन्डेक्स ९एक्यूआई० २००० भन्दा माथि पुगिसकेको अन्तर्राष्ट्रिय सञ्चारमाध्यहरूले जनाएका छन् । प्रदूषणको स्तर निरन्तर बढेपछि यसबाट बच्न र नियन्त्रण गर्न लाहोर र मुल्तानका क्षेत्रहरूमा केही दिनका लागि पूर्णरूपमा लकडाउन गरिएको छ ।त्यस अवधिमा एक्यूआईको अवस्था जाँच गरी आवश्यक परेमा लकडाउन थप लम्बिने जनाइएको छ ।छिमेकी राष्ट्र भारतमा पनि वायुको गुणस्तर खराब छ । त्यसैगरी भारतका मुख्य सहरहरू कोलकाता र मुम्बई पनि खराब वायुको शिकार भइरहेका छन् ।

पाकिस्तानमा वायु प्रदूषणको गम्भीर असर

विदेश पठाउने भन्दै ठगी गरेको आरोपमा ३ जना पक्राउ

काठमाडौ । वैदेशिक रोजगारमा आकर्षक तलबको प्रलोभनमा पारी ठगी गरेको आरोपमा तीन जनालाई प्रहरीले पक्राउ गरेको छ । पक्राउ पर्नेहरूमा सोलुखुम्बु नेचासल्यान गाउँपालिका–३ घर भई भक्तपुर बालकोट बस्ने २२ वर्षीया प्रितिका बाँस्तोला, चितवन भरतपुर महानगरपालिका–१० ज्ञानदर्शनटोल ठेगाना भएका ३६ वर्षीया शारदा सुवेदी र चितवन भरतपुर महानगरपालिका–४ त्रिचोक ठेगाना भएका २५ वर्षीय सुरज कँडेल रहेका छन् ।पक्राउ मध्ये प्रितिकाले दुबई पठाइदिन्छु भन्दै १ जना पीडितबाट २ लाख रूपैयाँ, शारदाले युके पठाइदिन्छु भन्दै १ जना पीडितबाट १ लाख रूपैयाँ र सुरजले युके पठाइदिन्छु भन्दै १ जना पीडितबाट १ लाख रूपैयाँ लिई ठगी गरेको प्रहरीले जनाएको छ ।पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरूलाई काठमाडौं टेकुबाट पक्राउ गरेको हो ।उनीहरूलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ ।

आमीरको मुद्दामा सर्वोच्चले दिएन अन्तरिम आदेश

काठमाण्डौ । नेपाल प्रिमियर लिग (एनपीएल) मा आफ्नो अधिकार दाबी गर्दै आमीर अख्तरले दायर गरेको रिटमा सर्वोच्च अदालतले अन्तरिम आदेश दिन अस्वीकार गरेपछि आइतबार न्यायाधीश हरि फुयालको एकल इजलासले उक्त मुद्दामा विपक्षी नेपाल क्रिकेट संघ (क्यान) सँग लिखित जवाफ माग गरेको छ ।जोरा स्पोर्टस् म्यानेजमेन्टका तर्फबाट अख्तरले रिट दायर गर्दा एनपीएल आयोजना रोक्न अन्तरिम आदेश पनि माग गरेका थिए, तर सर्वोच्चले अन्तरिम आदेश भने दिएन । यो आदेशसँगै १६ मंसिरमा सुरु हुने एनपीएल सञ्चालनका लागि बाटो खुला भएको छ ।विगतमा आमीरले एनपीएलको नाममा प्रतियोगिता आयोजना गर्ने तयारी गरेका थिए । त्यसैले एनपीएल नाममा आफ्नो दाबी रहेको उनको जिकिर रहेको छ ।

ताजा अपडेट

चीनको चमत्कार रोकिएको छैन

कुमार रम्तेललाई पोखरा पठाइयो

दुर्गा प्रसाईं पक्राउ

पाकिस्तानमा वायु प्रदूषणको गम्भीर असर

विदेश पठाउने भन्दै ठगी गरेको आरोपमा ३ जना पक्राउ

आमीरको मुद्दामा सर्वोच्चले दिएन अन्तरिम आदेश

कोशीका पूर्वमन्त्री लिलाबल्लभ अधिकारी पक्राउ

लामिछानेलाई म्याद थपका लागि अदालत लगियो

असिनाले ३५५ रोपनीमा लगाएको धान र कोदो नष्ट

सुनको मूल्य हालसम्मकै उच्च बिन्दुमा

लोकप्रिय

लेखक बाट थप

चीनको चमत्कार रोकिएको छैन

कुमार रम्तेललाई पोखरा पठाइयो

दुर्गा प्रसाईं पक्राउ

पाकिस्तानमा वायु प्रदूषणको गम्भीर असर

पाकिस्तानमा वायु प्रदूषणको गम्भीर असर

विदेश पठाउने भन्दै ठगी गरेको आरोपमा ३ जना पक्राउ

आमीरको मुद्दामा सर्वोच्चले दिएन अन्तरिम आदेश

आमीरको मुद्दामा सर्वोच्चले दिएन अन्तरिम आदेश

यो पनि हेर्नुहोस्

ताजा अपडेट

लोकप्रिय

लेखक बाट थप