काठमाण्डौ । आईसीसी १९ वर्षमुनिको महिला टी–२० विश्वकप क्रिकेटमा अष्ट्रेलियाले स्कटल्याण्डलाई हराएको छ । मलेसियामा भएको खेलमा अष्ट्रेलियाले स्कटल्याण्डलाई ९ विकेटले हराएको हो ।
स्कटल्याण्डले दिएको ४९ रनको लक्ष्य ६ ओभर ४ बलमा एक विकेट गुमाएर भेटायो । उसका लागि केट पेल्लेले २९ र इन्स म्याककेअनले १२ रन बनाए ।
पहिले ब्याटिङ गरेको स्कटल्याण्डको लागि इमा वालसिङघमले १२ र चार्लोट नेभार्डले १० रन बनाउनुबाहेक अरु ब्याटरले दोहोरो अंकमा रन बनाउन सकेनन् । अष्ट्रेलियाका इलिनोर लारोसा र काओमी ब्रेले ३/३ तथा हसरत गिलले दुई विकेट लिए ।
६ माघ २०८१, शनिवार ०६:३४ मा प्रकाशित
