काठमाडौं । भारतको पूर्वी राज्य पश्चिम बंगालमा शुक्रबार एउटा पटाखा कारखानामा विस्फोट हुँदा कम्तीमा चारजनाको मृत्यु भएको छ भने एकजना घाइते भएका छन् ।
पश्चिम बंगालको राजधानी कोलकाताबाट करिब ५५ किलोमिटर उत्तरमा रहेको नादिया जिल्लाको कल्याणी क्षेत्रमा विस्फोट भएको हो । “उक्त दुर्घटनामा चारजनाको मृत्यु भएको छ,” एक प्रहरी अधिकारीले बताए, “एक महिलालाई घाइते अवस्थामा उद्धार गरी तत्काल अस्पताल लगिएको छ ।”
विस्फोटका कारण कारखानामा ठूलो आगो लागेको प्रहरीले जनाएको छ । आगो निभाउन र नजिकैको क्षेत्रमा फैलिन नदिन तत्काल दमकललाई घटनास्थलमा पु¥याएको प्रहरीले जनाएको छ ।
विस्फोटको कारण तत्काल थाहा हुन सकेको छैन । प्रहरीले उक्त दुर्घटनाको अनुसन्धान गर्न आदेश दिएको छ । भारतीय पटाखा कारखाना र पसलहरूमा आकस्मिक विस्फोटहरू सामान्य छन् । मालिकहरूले सामान्यतया सुरक्षा मापदण्डहरूलाई बेवास्ता गर्छन् ।
