काठमाडौँ । जनमत पार्टीले माघ ५ गते बलिदानी दिवस मनाउने भएको छ । बुधवार सो पार्टीले एक विज्ञप्ति जारी गरी सो कुराको जानकारी दिएको हो ।
सो पार्टीका महासचिव चन्दनकुमार सिंहले माघ ५ गते वडास्तरमा मधेस बलिदानी दिवस मनाउने निर्णय भएको जनाएका छन् । विज्ञप्तिमा भनिएको छ : ‘माघ ५ गते शनिवार बेलुका सबै वडामा वडास्तरीय मधेस बलिदानी दिवस मनाउने निर्णय भएको हुनाले सहिदको फोटो, मैनबत्ती, दीप प्रज्वलन गरी मधेस बलिदानी दिवस मनाउनुहुन सबैलाई जानकारी गर्दछौँ ।’
३ माघ २०८१, बुधबार ११:२८ मा प्रकाशित
