काठमाण्डौ । मुग्लिन–नारायणगढ सडक खण्ड अन्तर्गत चितवनको तुईनखोलामा ट्रक पल्टिँदा बन्द भएको बाटो खुलाउने काम भइरहेको छ ।
क्रेनको सहायतामा पल्टिएको ट्रक हटाउने काम चलिरहेको इलाका प्रहरी कार्यालय मुग्लिनका प्रहरी निरीक्षक प्रतिक सिंहले उज्यालोलाई जानकारी दिनुभयो ।
आज बिहान कोइला लोड गरेको ट्रक आफैं अनियन्त्रित भई पल्टिँदा दुबैतर्फ बाटो अवरुद्ध भएको चितवन प्रहरीले जनाएको छ । दुर्घटनामा मानवीय क्षति भने भएको छैन ।
२९ बैशाख २०८२, आईतबार ०२:५५ मा प्रकाशित
