.jpg)
.png)
सुनसरी- सुनसरीको बराहक्षेत्र नगरपालिका–९ स्थित सप्तकोशीको किनारमा ३ जना युवतीमाथि निर्घात कुटपिट भएको भिडियो सामाजिक सन्जालमा सार्वजनिक भएको छ ।
ग्याङफाइट गर्ने युवतीहरू पहिला देखिकै चिनजानका साथीहरू हुन् ।
ब्वाइ फ्रेण्डलाई कुरा लगाएको विषयमा फेसबुकमा झगडा भएपछि छलफलका लागि उनीहरू बराह क्षेत्र स्थित सप्तकोशी किनार राजा बासमा भेला भएका थिए ।
ब्वाइ फ्रेण्डलाई कुरा लगाएको र प्रेमको बारेमा हल्ला फिँजाएको विषयमा उनीहरूका बिचमा विवाद भएपछि ५ जनाको समूहमा रहेका युवतीहरूले ३ जना युवतीहरूलाई कुटेको अनुसन्धानका क्रममा देखिएको जिल्ला प्रहरी कार्यालय सुनसरीका प्रहरी नायब उपरीक्षक राजकुमार राईले बताए । ५ जना युवती मिलेर ३ जनालाई निर्घात कुटपिट गरेका हुन। प्रहरीले घटनामा संलग्न एक जना बराह क्षेत्र १० प्रकाशपुरकी १९ वर्षीया प्रीति लिम्बुलाई पक्राउ गरेको छ ।
अन्य ४ जना बराह क्षेत्र ९ बस्ने १९ वर्षीया सन्जिता राई, १९ वर्षीया निहाङ राई, बराह क्षेत्र ८ सैनिक टोल बस्ने १८ वर्षीया दुर्गा राई र बिनिता उरावँको खोजी भइरहेको प्रहरीले जनाएको छ । पीडित पक्षका युवतीहरुले उजुरी दिएपछी प्रहरीले पक्राउ गरी कार्वाही अगाडि बढाएको छ।
असार २९ मा छलफलका लागि भेला भएका युवतीहरुले मादक पदार्थ सेवन गरेपछि दुई समूहको बिचमा भनाभन हुँदा झगडा भएको प्रहरीको भनाइ छ।
BMN News for up-to-the-minute news, breaking news, video, audio and feature stories.
-square-thumb.jpg)
