संघर्ष र सफलताको अन्तरङ्ग - ध्रुब गिरी, सपना भिलेज सौराह

चितवन । सौराहमा २०३६ जेठ २६ गत्ते बुबा मनु गिरी र आमा मनुरुपा गिरीको तेस्रो सन्तानको रुपमा सामान्य परिवारमा जन्मिए ध्रुब गिरि ।  अहिले करिब २० बिघा जतिको आफ्नै प्रोपर्टीमा सपना भिलेज रिसोर्ट संचालन गर्दै छन । जब उनी सानो थिए उनको सपनानै होटलको मालिक बन्ने रहेको थियो । त्यसैले आज उनीँ आफ्नै सपनाको मालिक भएका छन । 

उनँको बाल्यकाल सामान्य अवस्थामानै बित्यो । आमा,बुबा किसानी गर्दथे । ५ जना दाजुभाई र ३  दिदि बहिनी रहेका उनिँहरु पनि किसानीन गर्दथे । त्यसपछि पर्यटकिय क्षेत्र रहेको सौराहमा जेठो दाई गंगा गिरीले टुरिस्ट गाईडको रुपमा काम गर्न सुरु गरे। त्यसै क्रममा दाजुको प्रेरणाले ध्रब गिरी पनि १४ वर्षको उमेरमा ९ कक्षा पढ्दा पढ्दै सौराहकै एक रेष्टुरेन्टमा वेटर बाट पहिलो जबको सुरुवात गरे । औपचारीक शिक्षा १२ कक्षा सम्म मात्र पढेका उनको प्राथमिक शिक्षा सौराहको चित्रसारी माध्यामिक विद्यालय बाट भयो । त्यसपछि उनले २०६३ सालमा रत्ननगर हाईस्कुलबाट एस.एल.सी उतिर्ण गरे । रतननगर बहुमुखी क्याम्पसबाट म्यानेजमेन्टमा +२ पनि गरे । त्यसपछि भने उनले आफ्नो औपचारीक शिक्षालाई अगाडि बढाएनन् । १२ कक्षा पढ्दा सम्म उनि होटलमा जब नै गर्दै थिए । पढ्दै काम गर्ने भएकोले पढाईमा भन्दा बढी काममा ध्यान र इन्ट्रेस भएकोले कामलाई नै बढी फोकस गरे र औपचारीक शिक्षालाई त्यहीँ बिट मारीदिए ।

होटलमा आउने गेष्ट होस या जो कोहिले पनि उनलाई तिम्रो सपना के छ भनेर सोध्दा, उनले भन्ने गर्थे I want to be a Hotel woner त्यसैक्रममा नेदरल्यान्डका एक जोडी उनले काम गर्ने होटलमा आएका थिए । उनिहरुको ध्रुब गिरी संग कुराकानी भयो, कुराकानी गर्ने क्रममा उनिहरुले धु्रब गिरीको सपना सोधे र उनको एउटै उत्तर आयो I want to be a Hotel woner  उनिहरले फेरी सोधे कति पैसा लाग्छ तिम्रो सपना पुरा गर्न? उनले अनुमानित रकम पनि भने । तर उनको त्यो सपना पुरा गर्न लाग्ने पैसा दिन सक्ने अवस्था उनिहरुको पनि थिएन तर केही आस्वासन भने दिएर ति जोडि आफ्नै देश फर्किए । ति जोडि फर्किएको केह िसमय पछि एएटा चिठि आयो धु्रब गिरीको नाममा, त्यो चिठिले उनको जिन्दगिमा एउटा Tourning Point आयो । हुन त त्यस्तो आस्वासन पहिले अरुले पनि नदिएका भने हैनन् तर त्यो आस्वासनमै सिमित रहेको थियो । तर यस पटक भने चमत्कार भएको थियो । नेदरल्यान्डबाट ती जोडीले धु्रब गिरीको नाममा पठाएको चिठिबाट शुरु हुन्छ उनको सपनाको यात्रा । 

वेटरको काम बाट होटल तथा टुरीजममा व्यवसायमा छिरेका उनि संग अहिले १८ देखी २० विघाको प्रोपर्टि छ । ५ वटा हात्ति छन । हात्ति अहिले किनबेच गर्न त पाईदैन तर मुल्याङ्कन गर्ने हो भने १ करोड भन्दा माथी पर्छ । नेपालमा ईण्डियाबाट प्राईभेट हात्ति लेराउने पहिलो ब्यक्ति उनकै जेठो दाई गंगा गिरी हुन । सपना भिलेज रिसोर्टमा अहिले ३३ वटा रुम रहेको छ भने जस्मा १ वटा हनिमुन स्विट रुम रहेको छ । जस्को one night charge ११००० रहेको छ । अन्य नर्मल रुमको मिनिमम चार्ज ८५०० रहेको छ भने full package  पनि रहेको छ, जुन 2 night को रहेको छ । जसमा bed, breakfast,lunch,dinner र सफारी रहेको छ । जसको चार्ज २२० डलर रहेको छ । यस सपना भिलेज रिसोर्टमा धेरै जस्तो गेष्ट युरोपियन आउने गर्दछन । प्रतिशतको हिसाबमा हेर्ने हो भने ७५% विदेशी गेष्ट आउने गर्छन । २०% नेपाली र १०% ईण्डियन आउने गर्छन । उनका ५ दाजुभाई मध्ये ३ जना सौराहमै होटल तथा टुरीजम व्यवसाय गर्छन भने १ जना ब्लक बनाउने व्यवसायमा छन भने १ जना आमा बुबा संगै खेति किसानी गर्छन । धु्रब गिरी संग अहिले सपना भिलेज रिसोर्ट संगै सपना स्कुल, सपना भिलेज फाउन्डेसन पनि रहेको छ । सपना स्कुल उनकी जिवन संगिनि वर्षा पुरी (गिरी) ले हेर्छन । वर्षा संग उनको मागी विवाह भएको हो । वर्षा पुरीले मेकानिजममा ब्याचलर र यउभल गलष्खभचकष्तथ बाट mबलबनझभलत मा मास्टर्स गरेकी छन । सपना स्कुल संगै उनले सपना भिलेज रिसोर्ट फाउनडेसन बाट संचालित Sapana women skill development project  पनि चलाउछिन । 

ध्रुब गिरी अहिले राजनितिमा पनि आबद्ध छन । उनि अहिले राष्ट्रिय स्वतन्त्र पार्टिको केन्द्रिय सदस्य रहेका छन । उनलाई राजनितिमा आबद्ध गराउने व्यक्ति भने राष्ट्रिय स्वतन्त्र पार्टिकेैे केन्द्रिय सदस्य अरणीको पांडे हुन । उनले हार्डवर्ड युनिभर्सिटिबाट ईन्भारामेन्टमा मास्टर्स गरेका छन । उनी एकदमै बौदिक व्यक्ति हुन भनेर ध्रुब गिरी भन्छन । ध्रुब गिरी क्षेत्रिय रेष्टुरेन्ट बार यसोसियसन नेपाल (रेबन) का अध्यक्ष पनि हुन । जस्को हेड अफिस काठमाडौँमा रहेको छ भने क्षेत्रिय अफिस पोखरा र चितवनमा रहेको छ । उनी यस संस्थामा विगत १० वर्ष देखि आबद्ध छन । उनले आफ्नै अध्यक्षतामा सपना भिलेज सोसल ईम्प्याक्ट (SVSI) पनि चलाईराखेका छन । जसको कार्यक्रमबाट वार्षिक १००० जना प्रभावित भईरहेका छन । 

उनको सपना भिलेज रिसोर्टमा ३५ जना स्टाफ थाई रुपमै रहेका छन । ५/६ जना पार्ट टाईम ट्रेकिङ गाईडहरु रहेका छन । उनको रिसोर्टमा १६/१७ वर्ष सम्म निरन्तर काम गरेका पुराना स्टाफ रहेका छन । उनले आफ्नो रिसोर्टमा काम गर्ने स्टाफहरुलाई राम्रो सेवा सुबिधा दिएर राखेका छन । संचय कोष काटिदिएका छन, २० वर्षको २० लाखको बिमा गरिदिएका छन र श्वास्थ्य बिमा सम्म गरिदिएका छन । यस सपना भिलेज रिसोर्टमा टिपिकल खाना, थारु खाना, फापरको रोटी,  हाँसको छोईला, चिचर (चौधरी खाना) स्वाद लिन सकिनेछ । टिपिकल स्वरुपको बस्ति जस्तो बनाएको रिसोर्टमा शान्त वातावरणको आनन्द लिन सकिने छ । सपना भिलेज जस्तै अर्काे पोखरामा खोल्ने तयारी रहेको ध्रुब गिरी बताउछन । त्यस बाहेक अन्य भने नगर्ने सोच उनको रहेको छ । कतैबाट प्रस्ताब आए सहभागी हुने तर आफै एक्लै भने नगर्ने उनको सोचाई रहेको छ । अबको केही समय आफुलाई दिने उनी बताउछन । 

धु्ब गिरीले सपना भिलेज फाउन्डेसन मार्फत आफ्नो जसतै सपना भएका तर सपना पुरा गर्न नसकेका १० जनालाई उनिहरुको सपना पुरा गर्न सहयोग गरिसकेका छन । ति मध्ये पनि सबैभन्दा बढि चेपाङ वस्तिका एक व्यक्ति तिलु पर्जा लाई सहयोग गर्न पाएकोमा गर्व गर्छन । तिलु पर्जा जो सपना भिलेज रिसोर्टमा काम गर्न आउँदा नेपाली भाषा सम्म बोल्न आउदैनथ्यो, तर अहिले अङग्रजी भाषा सम्म बोल्छन । अहिले उनले सपना भिलेज फाउन्डेसनको सहयोगमा चेपाङ कम्युनिटि होमस्टे खोलेका छन । सपना भिलेज फाउन्डेसनले इच्छाकामना गाउँपालिका को २ नं वडा भाराङ भन्ने त्यही चेपाङ वस्तिमा बोरिङ मार्फत पानी पनि उपलब्ध गराएका छन । 

अबको उनको सपना भनेको एक प्रकारको जेष्ठ नागरीक वस्ती खोल्ने रहेको छ । जहाँ बृद्ध भएका आमा बुबाले सबै किसिमको सुबिधा भएको घर एकदमै सस्तो मुल्यमा किनेर पनि बस्न पाउनेछन र भाडामा पनि बस्न पाउनेछन । यदि कसैको केही छैन भने सित्तैमा पनि बस्न पाउनेछन  । बिजनेसकै सिलसिलामा ६/७ वटा देश घुमिसकेका धु्रब गिरी भन्छन नेपालमा नै धैरै सम्भावना छ । अवसर धेरै छ । स्रोत र साधन धेरै छ । गर्ने सपना हुन पर्छ, आँट, विस्वास, मेहेनत र लगनसिल हुनु पर्छ सम्भावना नेपालमै छ ।