.jpg)
.png)
काठमाडौं । नेपाल दृष्टिविहीन युवा सञ्जालले नेपालमा युवाको प्रतिनिधित्व तथा सहभागिताबारे हालसम्म पनि छलफल समेत सुरु हुन नसकेको गुनासो गरेको छ ।
शुक्रबार पत्रकार सम्मेलन गर्दै सञ्जालले नेपालमा मात्र नभई विश्वमा नै युवाहरुको राजनीतिप्रति इच्छा घट्दै गइरहेको अवस्थामा युवाको प्रतिनिधित्व तथा सहभागिता प्रवर्धन गर्ने उपाय सम्बन्धमा छलफल सुरु नहुनु दुखद भएको जनाएको छ । त्यस्तै राजनीतिमा नजिक पुगेका युवालाई समेत अनुभव नभएका र राजनीतिक दिशानिर्देश गर्न नसक्ने भनी निरुत्साहित गर्ने काम भएको भन्दै त्यसले युवाले आ–आफ्नो उमेरमा हासिल गरेका अनुभव नीति निर्माणको प्रक्रियामा उपयोग हुन नसकेको सञ्जालले जनाएको छ ।
विश्वमा देखिएको लोकतान्त्रिक र समतामुलक राज्य व्यवस्थाको संचालन युवावर्गको मात्र होइन सबै सरोकारवालाहरूको चासो सम्बोधन हुनेगरी हुनुपर्ने सञ्जालको माग रहेको छ ।
BMN News for up-to-the-minute news, breaking news, video, audio and feature stories.
-square-thumb.jpg)
