.jpg)
.png)
रूसले आफ्नो सेनाले युक्रेनको पूर्वी सहर बाखमुतको एक क्षेत्रमा कब्जा जमाएको दाबी गरेको छ । बाखमुतमा आक्रमणको नेतृत्व गरिरहेको रूसको वाग्नर अर्धसैनिक समूहका प्रमुखले नियमित रूपमा रूसी सैनिकहरू सहरको छेउछाउबाट निरन्तर अघि बढिरहेको बताएका छन् ।
रुसी रक्षा मन्त्रालयले निकालेको विज्ञप्तिमा हवाई सेनाका एकाईले आक्रमणकारी टुकडीलाई सहयोग पुर्याएका र विपक्षी सेनालाई सहरको किनारामा पुर्याएका उल्लेख छ । डोनेट्स्कको पूर्वी क्षेत्रमा थुप्रै बस्तीनजिक युक्रेनी सेनालाई लक्षित गरी हवाई र बम आक्रमणका घटना भैरहेका छन् ।
यसैबीच युरोपेली सङ्घ (ईयू) का विदेश नीति प्रमुख जोसेप बोरेलले रूसी आक्रमणको प्रतिकार गर्न युक्रेनलाई लामो दूरीका हतियार उपलब्ध गराउन युरोपेली देशलाई आग्रह गर्नुभएको समाचार संस्था एएफपीले जनाएको छ ।
युक्रेनका राष्ट्रपति भोलोदिमिर जेलेन्स्कीले पूर्वी युक्रेनमा रूसी सेनाविरुद्ध प्रतिआक्रमण गर्न थप उन्नत हतियार उपलब्ध गराउन आग्रह गर्दै आउनुभएको छ । रुसले सन् २०२२ को फेब्रुअरीमा युक्रेनमाथि आक्रमण थालेको थियो । त्यसयता निरन्तर आक्रमणका घटना हुँदै आएका छन् ।
BMN News for up-to-the-minute news, breaking news, video, audio and feature stories.
-square-thumb.jpg)
