.jpg)
.png)
अष्ट्रेलिया न्यु साउथ वेल्समा भएको गाडी दुर्घटनामा परी नवविवाहित बेहुला–बेहुलीको नै मृत्यु भएको छ। उनीहरूकै विवाहमा गएका पाहुनाहरू बोकेर हिँडिरहेको बस दुर्टना हुँदा बेहुला–बेहुलीको पनि मृत्यु भएको हो।
प्रहरीले उनीहरूको मृत्यु भएको पुष्टि गरेको छ। यस घटनामा १० जनाको मृत्यु हुँदा २५ जना घाइते भएका थिए। घाइतेमध्ये १५ जनाको अस्पतलमा उपचार भइरहेको जानकारी दिइएको छ।
प्रहरीले दिएको जानकारी अनुसार अहिलेसम्म पहिचान खुलेका मध्ये मिचेल ग्याफ्नी र फुटबल खेलाडी मडेलिन इड्सेल रहेका छन्। आइतबार उनीहरूले विवाह गरेको खुसियालीमा पार्टीको आयोजना गरिएको थियो।
अष्ट्रेलियाको मदिरा क्षेत्रमा विवाहबाट फर्किएकाहरु सवार बस न्यू साउथ वेल्सको हन्टर भ्यालीस्थित ग्रेटानजिकै दुर्घटना हुँदा उक्त हाताहाती भएको हो।
बसमा सवार यात्रुहरू आइतबार राति विवाहबाट फर्किरहेका थिए । प्रहरीले दुर्घटनाको अवस्थाबारे अनुसन्धान भइरहेको जनाएको छ। बसका चालक ५८ वर्षीय पुरुषलाई पक्राउ गरिएको छ । दुर्घटनामा ज्यान गुमाएकाहरुको पहिचान र आफन्तलाई सम्पर्क गर्ने काम भइरहेको प्रहरीले जनाएको छ।
अष्ट्रेलियाका प्रधानमन्त्री एन्थोनी अल्बानीजले घटनाप्रति दुःख व्उक्त गरेका छन्। प्रहरीले बसका चालकलाई लापरबाही तरिकाले बस चलाएको लगायत १० वटा अभियोग लगाइएको छ।
BMN News for up-to-the-minute news, breaking news, video, audio and feature stories.
-square-thumb.jpg)
