.jpg)
.png)
काठमाडौं -कोशी प्रदेशका सभामुख बाबुराम गौतमले पदबाट राजीनामा दिनु भएको छ ।
उहाँले मंगलबार सरकार गठनका लागि बहुमत पुर्याउन पदबाट राजीनामा दिनु भएको हो । उहाँले उपसभामुख सिर्जना दनुवारलाई आफ्नो राजीनामा बुझाउनु भएको हो । कोशी प्रदेशमा कांग्रेस प्रदेश संसदीय दलका नेता उद्धव थापालाई मुख्य मन्त्री बनाउ र उहाँबको पक्षमा बहुमत जुटाउन सभामुख गौतमले राजीनामा दिनु भएको हो ।
थापाको नेतृत्वमा सरकार बनाउने केन्द्रीय सत्ता गठबन्धनले निर्णय गरेको छ । सुरुमा राजीनामा नदिने बताउँदै आउनु भएका गौतमले प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डको को सल्लाह र आग्रहमा राजीनामा दिनु भएको हो । गौतमले राजीनामा दिएपछि गठबन्धन दलको समर्थनमा कांग्रेसका नेता थापाले प्रदेश प्रमुख परशुराम खापुङसमक्ष मुख्यमन्त्रीमा नियुक्तिका दाबी पेस गर्न जाने तयारी गर्नुभएको छ । गौतमको राजीनामाले कांग्रेस नेता थापालाई मुख्यमन्त्रीमा नियुक्तिका लागि दावी पेस गर्न बहुमत पुगेको छ ।
९३ सदस्यीय कोशी प्रलेश सभामा एमालेका ४०,नेपाली कांग्रेसका २९,माओवादीका १३, राप्रपाका ६, नेकपा एककिृत समाजवादीका ४ र जनता समाजवादीका १ सांसद रहेका छन् । सरकार गठनमा बहुमत पुर्याउन ४७ जनाको समर्थन चाहिन्छ ।
-square-thumb.jpg)
