.jpg)
.png)
बझाङ- बझाङको मष्टा गाउँपालिका भातेखोलाकी गिठीदेवि जोशीले ८९ वर्षको उमेरमा नागरिकता पाउनु भएको छ । उहाँले हिजो शुक्रवार नागरिकता पाउनु भएको हो ।
प्रमुख जिल्ला अधिकारी नारायण पाण्डेयको टोलीले घरमै गएर नागरिकता दिएपछि जोशीसहित स्थानीयसमेत खुसी भएका छन् ।
उहाँ नागरिकताको आवश्यकताबारे थाहा नहुँदा नागरिकताविहीन हुनुभएको पाण्डेले बताउनु भयो ।आमाले नागरिकता नपाएको बारेमा छोरा गौरीलालले जिल्ला प्रशासनमा खबर गर्नुभएको थियो । त्यसपछि सम्पूर्ण कागजात तयार गरेर घरमै पुगी नागरिकता दिएका हौँ, प्रमुख जिल्ला अधिकारी पाण्डेयले भन्नुभयो । उहाँले अब सरकारबाट प्राप्त हुने सेवा सुविधा पाउने पाण्डेले बताउनु भयो ।
गाउँमा धेरै जनाले सदरमुकाम गएर नागरिकता बनाउन सुझाव दिएपछि प्रशासनलाई जानकारी गराएलगत्तै प्रशासनले घरमै आएर नागरिकता दिएको गौरीलालले बताउनुभयो ।
BMN News for up-to-the-minute news, breaking news, video, audio and feature stories.
-square-thumb.jpg)
