.jpg)
.png)
काठमाडौँ- यो साता नेपाली बजारमा सुनको मूल्य तोलामा १ हजार १०० रुपैयाँले घटेको छ । नेपाल सुनचाँदी व्यवसायी महासंघले गत साताको शुक्रबारको तुलनामा यो साताको शुक्रबार ११ सय रुपैयाँले मूल्य घटेको जानकारी दिएको हो ।
गत साताको शुक्रबार सुनको मूल्य तोलामा १ लाख १२ हजार २०० रुपैयाँ थियो । यस्तै, सो अवधिमा तेजाबी सुनको मूल्य तोलामा १ लाख ११ हजार ७५० रुपैयाँ थियो । जुन, ११ सयले घटेर यो साताको शुक्रबार कारोबारमा आएको छ ।
हिजो शुक्रबार छापावाल सुनको मूल्य तोलामा १ लाख ११ हजार १०० रुपैयाँ र तेजाबी सुनको मूल्य तोलामा १ लाख १० हजार ५५० रुपैयाँ कायम थियो । यो साताको आइतबार सुनको मूल्य तोलामा ३०० रुपैयाँले बढ्नुबाहेक अन्य दिन घटिरह्यो ।
सोमबार १०० रुपैयाँले घटेको थियो भने मंगलबार ३०० र बुधबार १०० रुपैयाँले घटेको थियो । यस्तै, बिहीबार तोलामा ७०० रुपैयाँ र शुक्रबार २०० रुपैयाँले घट्दा साताभरमा ११ सय रुपैयाँले घटेको हो ।
यस्तै, यो साता चाँदीको मूल्य तोलामा ५० रुपैयाँले घटेको छ । गत साताको शुक्रबार चाँदीको मूल्य तोलामा १४ सय २५ रुपैयाँ थियो । जुन, यो साताको शुक्रबारसम्ममा घटेर १३ सय ७५ रुपैयाँ प्रतितोला कायम भएको छ ।
BMN News for up-to-the-minute news, breaking news, video, audio and feature stories.
-square-thumb.jpg)
