.jpg)
.png)
.jpg)
काठमाडौं- प्रधानमन्त्री पुष्पकमल दाहाल प्रचण्डले आफू लाल आयोगको प्रतिवेदन सार्वजनिक हुनुपर्छ भन्ने पक्षमा रहेको जिकिर गरेका छन् । १७ औं राष्ट्रिय सूचना दिवसको अवसरमा आईतबार काठमाडौंमा आयोजित कार्यक्रममा उनले लाल आयोगको प्रतिवेदन गोप्य राख्ने गरी आफूले कुनै निर्णय नगरेको भन्दै उक्त प्रतिवेदन सार्वजनिक गर्नुपर्ने पक्षमा रहेको जिकिर गरे ।
उनले भने, ‘लाल आयोगको प्रतिवेदनसम्बन्धी कुरा उठेको छ र अर्को सचिव झिकेको कुरा छ । म त्यस खालका प्रतिवेदन सार्वजनिक हुनुपर्छ भन्ने पक्षमा सुरूदेखि नै छु । र यो मेरो पालामा अदालत गएको होइन ।अब के गर्ने भन्ने कुरामा म तपाइँहरुकै सुझावलाई ध्यान दिन्छु । स्पस्ट होस् सचिव झिकेको पनि मेरो पालामा होइन ।’
उनले उक्त प्रतिवेदनप्रति आफ्नो ध्यानाकर्षण भएको भन्दै उक्त विषयलाई सकारात्क ढंगले हेर्ने भन्दै लोकतन्त्र,सुशासन र पारदर्शिता र सामाजिक न्यायप्रति गहिरो प्रतिवद्धता रहेको जिकिर गरे ।
२०७२ सालमा मधेश तथा थरुहट आन्दोलनका क्रममा भएका आन्दोलनमा तत्कालिन सरकारका तर्फबाट आन्दोलन पक्षमाथि भएको बलप्रयोग र ज्यादतीका विषयमा अध्ययन गर्न आयोगलाई लाल आयोगको रुपमा निनिन्छ ।
तत्कालिन न्यायाधीश गिरिशचन्द्र लालले आयोगको नेतृत्व गरेर सरकारलाई प्रतिवेदन बुझाइसकेको छ । तर उक्त प्रतिवेदन हालसम्म पनि गोप्य राखिएको छ ।
BMN News for up-to-the-minute news, breaking news, video, audio and feature stories.
-square-thumb.jpg)
