.jpg)
.png)
काठमाडौं- पूर्व प्रधानमन्त्री झलनाथ खनालले एमसीसीको दस्तावेज लुकाइएको आरोप लगाएका छन् ।
सोमबार एमसीसी कार्यान्वयनविरुद्धको वृहत् अन्तरक्रिया कार्यक्रममा सत्तारुढ नेकपा एसका सम्मानित नेता खनालले यदि इमान्दारीपूर्वक सम्झौता गरिएको भए दस्ताबेज लुकाउन आवश्यक नभएको बताए । उनले सम्झौता देशको हितमा र राष्ट्रको हितमा गरिएको भए दस्तावेज खुल्लारुपमा राख्नु पर्ने भन्दै दालमा केही कालो छ भन्ने यसैबाट प्रष्ट भएको बताए ।
उनले भने ‘यदि इमानदारीपूर्वक गरिएको थियो, देशको हितमा गरिएको थियो, राष्ट्रको हितमा गरिएको थियो भने दस्तावेज लुकाउनु पर्ने के जरुरत थियो त्यहाँ ? के कारणले लुकाईयो ? दालमा कालो छ भन्ने कुरा यही बाट थाहा हुन्छ ।’
पूर्व प्रधानमन्त्री खनालले एमसीसी मात्र नभई एसपीसी समेत आएको तर जनताको आँखामा धुलो छर्ने काम भएको बताए । एमसीसीको बारेमा आफुले कुरा उठाउदा संसदमा समेत सांसदहरु आफुविरुद्ध कुर्लिने काम गरेको खनालको गुनासो छ ।
BMN News for up-to-the-minute news, breaking news, video, audio and feature stories.
-square-thumb.jpg)
