वाइल्डलाइफ फोटोग्राफर अफ द इयरः भूतको अनुहार कि माछा ?

काठमाडौं- यो तस्बीर हेर्दा के देख्नुहुन्छ ?

तस्बीरमा महासागरबाट अचानक निस्केको ठूलो र डरलाग्दो अनुहार देखिएको छ ।

तर तपाईँले साँच्चै के हेर्दै हुनुहुन्छ, त्यो एउटा ‘स्टारगेजर माछा’ हो, जुन भूमध्यसागरको बलौटे भुइँमा देखिएको छ ।

यो तस्बीर इटालीका पियट्रो फोर्मिसले खिचेका हुन् र यो वर्षको ‘वाइल्डलाइफ फोटोग्राफर अफ द इयर’मा धेरैले प्रशंसा गरेका थिए । 

फोर्मिसका अनुसार सामान्यतया यस्तो तस्बीर प्रतिस्पर्धाका लागि खिचिदैन । उनले यो तस्बीर प्रतिस्पर्धाका लागि किन पठाए भने उनलाई यो धेरै मन प¥यो । तर कुनै प्रशंसा पाउने आशा गरिएको थिएन । 

‘म धेरै खुसी छु, त्यो समारोह आउने दिनहरू गन्दैछु । मलाई लाग्छ, मेरो सबैभन्दा महत्वपूर्ण समय देख्दैछु, म साथीहरूलाई भन्नेछु, उनीहरू मेरा नायक हुन् र फोटोग्राफीको शीर्ष स्थानमा रहन्छन् । म धेरै खुशी छु र यसलाई वर्णन गर्न सक्दिन ।’

‘वाइल्डलाइफ फोटोग्राफर अफ द इयर’ प्रतियोगिताको समग्र विजेताहरूको घोषणा आगामी अक्टोबर १० मा हुने पुरस्कार समारोहमा गरिनेछ । प्रतियोगितामा वर्षभर प्रवेश गरेका हजारौंबाट छनोट गरिएका १०० तस्बीरहरू आगामी अक्टोबर १३, शुक्रबार प्राकृतिक इतिहास सङ्ग्राहलयमा प्रदर्शनी गरिनेछ र त्यसछि विश्वभर लगिनेछ ।

‘एट्लान्टिक स्टारगेजर’ माछा, जसको ल्याटिन नाम ‘युरानेस्कोषमा स्क्वाबर’ हो किनभने तिनीहरूका आँखा माथितिर टाँसिएको हुन्छ । तिनीहरू पनि सिकारीहरू हुन् । शिकार समात्न तिनीहरू आँखा र मुख मत्रा देखिनेगरी बालुवा मुनि लुकेर बस्छन् । जुन फोर्मिसको फोटोमा देख्न सकिन्छ । 

फोर्मिसले भने, ‘यो भूडू मास्क वा मानव अनुहार जस्तो देखिन्छ र ती प्रजातिहरू जुन मलाई धेरै मनपर्छ, ठूला आँखा र मुख भएका ती प्रजातिहरूको अनुहार  मनवको जस्तै देखिन्छ । यो सुन्दर जनावर हो ।’

फ्ल्यासमा केन्द्रित प्रकाश, ढिलो शटरस्पीड प्रयोग गरेर नीलो पानीमा ‘स्टारगजर’को तस्बीर लिन सफल भएको वर्णय गर्दै फोर्मिसले भने । ‘मेरो लागि यो झरना जस्तै हो, त्यसपछि तपाईँ पछाडिबाट यो डरलाग्दो अनुहार देख्नुहुन्छ । मैले केही फरक तस्बीरहरू लिएँ, तर मलाई यो मनपर्छ,’ उनले भने । 

फोर्मिसका बुबा फोटोग्राफर हुन् । बुबाले उनलाई डाइभिङमा लगेर गए । त्यसपछि उनको जीवन परिवर्तन भयो । त्यसपछि पानी मुनिको फोटोग्राफीमा फार्मिस लगभग पागल बन्न पुगे । उनले भने, ‘पानीमा जानु र सुन्दरताको तस्बीर लिनुलाई म विशेषाधिकार प्राप्त गरे जस्तै महसुस गर्छु ।’