महिला उद्यमीहरुको विकासका लागि सरकार प्रतिवद्ध छः मन्त्री रिजाल

काठमाडौं- उद्योग वाणिज्य तथा आपूर्ति मन्त्री रमेश रिजालले नेपाल महिला उद्यमीहरुको विकास तथा प्रवद्र्धनका लागि सरकार प्रतिबद्ध रहेको बताएका छन् । 

शुक्रबार काठमाडौंमा आयोजित महिला उद्यमी महासंघ नेपालको २० वार्षिक साधारण सभा तथा ९ औं महाअधिवेसन लाई सम्बोधन गर्दै उनले महिला उद्यमीहरुको विकास तथा प्रवद्र्धनका लागि नीतिगत सुधार र अन्तराष्ट्रिय बजारीकरणसँग पहुँच स्थापना गर्ने विषयमा मन्त्रालय सदैव सकारात्मक रहेको बताएका हुन् । 

उनले भने,‘नेपाल महिला उद्यमीहरुको विकास तथा प्रवद्र्धनका लागि नीतिगत सुधार ,दक्षता अभिवृद्धि ,स्वदेशी वस्तुहरुको प्रवद्र्धन ,व्यवसायीक वातावरण निर्माण ,बजारीकरण र अन्तराष्ट्रिय बजारीकरणसँग पहुँच स्थापना गर्ने विषयमा मन्त्रालय सदैव सकारात्मक छ ।’

उनले मूलुकको आर्थिक विकासमा महिला उद्यमीहरुको महत्वपूर्ण योगदान रहेको टिप्पणी गरे । महिला उद्यमीद्धारा सञ्चालित उद्योगहरुको विकास र विस्तारले आर्थिक विकास तथा रोजगारीका अवसर सृजना गरि मूलुकलाई आर्थिक समृद्धिको बाटोमा अगाडि बढाउन मदत गरेको उनको भनाई छ । 

उनले भने, ‘मूलुकको आर्थिक विकासमा महिला उद्यमीहरुको महत्वपूर्ण योगदान रहेको छ । महिला उद्यमीद्धारा सञ्चालित उद्योगहरुको विकास प्रवद्र्धन विस्तारले स्थानिय स्थरदेखी नै आर्थिक विकास तथा रोजगारीका अवसर सृजना गरि मूलुकलाई आर्थिक समृद्धिको बाटोमा अगाडि बढाउन मदत गरेको छ ।’

उनले आत्मानिर्भर अर्थतन्त्र निर्माणको लागि सरकार र नीजि क्षेत्रबीच समन्वय एवं सहकार्य  जरुरी रहेको बताए । 

कार्यक्रममा उद्यमी महासंघका नवनिर्वाचित अध्यक्ष शोभा ज्ञवालीले, महीला उद्यमीको हितको लागि आवश्यक पहल गर्ने प्रतिवद्धता जनाइन् । 

सरकारले महीला उद्यमीको हितको लागि आवश्यक सहयोग गर्न पर्ने उनको भनाई छ ।