उपभोग्य सामनमा मिसावट

काठमाडौं – दशैंका लागी सरकारले सस्तो र सुपथ मुल्यको पशल पनि राख्यो, ति पशलमा चामलमा किरा नै किरा देखेर चामल फिर्ता गर्नेको लर्को लागेपछि, मिडिया मार्फत बाहिरियो । धनगढीमा प्लास्टीकको चामल मिसावट गरेकै भेटियो । 

अखाद्य बस्तुको नियमन गर्ने भनेर जति कुरा गरेपनि कतैपनि त्यसको कार्यन्वयन भएको देखिएन । जब चाडपर्व आउँछन् अनि महंगी, कालाबजारी र अखाद्य बस्तुको बिक्रीबितरण बढ्छन्, यसको अर्थ यो जालो नियमित रुपमा सक्रिय छ भन्ने कुराको पुष्टि गर्दछ । 

न नियमन गर्ने निकाय गतिलो छ, न यसमा काम गर्ने अधिकारी र कर्मचारीहरु नै, यदि त्यस्तो हुन्थ्यो भने, यो धेरै अगाडी निर्मुल नै भईसक्थ्यो । 

कारबाही गर्ने प्रहरी कर्मचारी सबै सेटिङ्गमै हुन्छन्, हरेक क्षेत्र र तहका कर्मचारीले बिना कमिसन सिन्को भाच्दैनन । सरकारी कार्यलयहरुमा टाँसेको हुरुन्छन् कि म भ्रष्टचार गर्दिन र गर्न दिंदैन, तर त्यहिंका फाईल मिलाउने पिउनबाटै सुरु हुन्छ, कमिसन खेलको धन्दा, यस्तो संस्कार दिएर, नेताहरु चोकमा भाषण गरिरहेका हुन्छन् कि यो देश हामी बिना चल्दैन, चल्थ्यो पनि कसरी ? 

जागिर खुवाउन देखि सरुवा बढुवा सम्म पैसाका बिट्टा पु¥याउनै पर्छ, त्यो कर्मचारीले घुष नखाई भ्रष्टचार नगरि कसरी चलोस्, यदि राज्य भ्रष्टचार र बेथीतिको बिरोधी हो भने, मुलुक १ साताका लागी हामीलाई छोडोस् हामी यसको अन्त्य गर्ने सिस्टम सरकारमा जोड्छौं, त्यसपछि सरकार उनिहरुले नै चलाउन यदि ईमान्दारिता हो भने, नत्रकतिन्जेल भ्रम छर्ने, भ्रमकै खेति गरि रहने ? 

आरजु राणा तिर सुई घुमेपछि, शरणार्थी काण्डै रोकिने, बाबुराम र माधब हाक्काहाकी जोडिंदा अनुसन्धान नै नहुने, महरा, वर्षमान र नन्दकिशोरका किशोरहरुले सुन तस्कर गर्दा सुन काण्डै सेलाउने, सय डेढसय किलो सुन तस्कर गर्ने कम्पनी कुन पैसाले चल्यो सोध्नै नपाईने, उपेन्द्र अगाडी आएपछि, गौर हत्याकाण्डको फाईल आफैं बन्द हुने, गिरीबन्धु टि स्टेटमा ओली मुछिएपछि चिया नै सेलाउने । 

अनि फेरी जनताले आशा, र सुध्रिने हुन कि भन्ने नाममा कहिले सम्म भोट दिएर लूट्न पठाईरहने ? 

तपाईं वरिपरिका समस्या हामीलाई भन्नुस

कतै तपाईंका वरिपरि कोहि ठगिएका त छैनन्, बेखबर नभईदिनुस् तपाईंका चासो र जनगुनासो हामी निरन्तर उठाउँदै आईरहेका छौं, चाडपर्वका बेला, मनपरी भाडा, मनपरी सामानको मूल्य र अखाद्य अनि जनताको स्वास्थ्यमा असर पार्ने बिक्रि बितरण रोकौं, यो सुरुवातीले एउटा सुसंस्कारलाई स्थापित गर्दे लैजान सकिन्छ । 

यहाँलाई अन्याय परेको छ भने, बोल्नै पर्छ, हरेक कुराका लागी बोल्दा समेत सुनुवाई नहुने मुलुकमा चुपचाप सहेर केहि हुन्न, तपाईंका आवज हामी बुलन्द गरिरहने छौं । 

महंगी, अखाद्य बस्तुको मिसावट, चोरी पैठारी, म्याद सकेको सामानको बिक्री आदि निकै अवैध काम भईरहेको हुनसक्छ, डिजेल, पेट्रोलमै मिसावट हुन सक्छ, वा पूरा ईकाई दिदैन, कतै तौल छलि गरेको हुनसक्छ, कतै तपाईले पिउने रक्सीमै मिसावट हुनसक्छ, नक्कली माल पनि पार्न सक्छ, घिऊमा डाल्टा, तेलमा सस्तो तेल, चामल, दालमा ढुंगाका टुक्रा, चिनीमा अखाद्य त्यस्तै अर्को बस्तु बजारमा अनुगमनका क्रममा पनि भेटिएका उदाहरण छन्, यसपाली देखि हामी यस्ता विषयबस्तुमा गंभिरपूर्वक ध्यान दिने र ईमान्दार पूर्वक नागरिकको खाद्य अधिकार र सरकार सँग समेत खाद्य संप्रभुताको माग गर्नु पर्दछ ।  

बोल्न पाउनुपर्छ 

आफ्नैका गलत विरुद्ध बोल्नेहरु नै पार्टीका बास्तबिक सिपाही हुन् भनेर कुनैबेला बिपीले भन्ने गर्थे, आज गलतका विरुद्ध बोल्नेहरुलाई नै पाखा लगाउने चलन छ, यसले जनतामा राजनीति प्रति बितृष्णा मात्रै जगाएन, यसले नयाँ बिकल्प बोकेर आउनेहरुलाई स्थापित गर्न थाल्यो । 

न्याय माग्नकै लाग्ी सडकमा, अबसर लिनका लागष्ी सडकमा, बृत्तिबिकासका लागी सडकमा, बिकासका लागी सडकमा, शुसासनका लागी सकडमा... अब सदनको औचित्य के ? 

अबको केहि समयमा नै वर्तमान राज्यव्यवस्थाको बिकल्प आउनेवाला छ, हरेक दशकमा आउने परिवर्तन हो भनेर भन्दै जाने हो भने, बिकास, शुसासन र समृद्धि सयौं दशक कुरेपनि नआउने नै निश्चित छ ।  

संभवत यो व्यवस्थाको अन्तिम राज्यसत्ता यहि हुनसक्छ, र ८४ सालको चुनाव फरक तौरतरिका र प्रणालीमा हुनसक्ने संभावना बढ्दै गईरहेको छ । 

विश्व परिस्थीति, राष्ट्रिय अबस्था र राजनीतिक दलका पछिल्ला गतिविधीले झनै यो व्यबस्था कम्जोर हुँदै गईरहेको छ । नागरिकले कसैप्रति भरोसा गर्ने अबस्था छैन, सरकार सँग जनता विश्वास गर्न छोडे, सरकार नागरिक प्रति उत्तरदायी छैन, यस्तो व्यबस्था अब कसरी अगाडी बढ्ला ? यो निकै चुनौतीपूर्ण छ । 

अब जनता हरेक कदममा सचेत हुँदै, राष्ट्रको ईमान्दार नागरिक भएर देशको रक्षा, बिकास र समृद्धिमा आफैं जुट्नु पर्दछ  । बिएमएन न्युज, काठमाडौं । 

“सदैव जनताको पहरेदारी, गर्दछ सम्बन्धीत निकायमा खबरदारी”