.jpg)
.png)
काठमाण्डौ- पहिरो खसेर बन्द भएको मुग्लिन–नारायणगढ सडकखण्ड खुलेको छ । बिहान ३ बजेदेखि बन्द सडक पहिरो पन्छाएर एकतर्फी खुलेको जिल्ला ट्राफिक प्रहरी कार्यालय चितवनले जनाएको छ ।
अहिले रोकिएका गाडी गन्तब्यतर्फ लागेका छन् । यो सडकखण्डमा गाडीको चाप रहेको ट्राफिक प्रहरीले जनाएको छ । चितवनको इच्छाकामना गाउँपालिका–५ तीन किलोमा बिहान तीन बजेतिर पहिरो खसेपछि सडक बन्द भएको थियो । अस्ति बिहीबार दिउँसो पनि यही ठाउँमा पहिरो खसेर बन्द भएको सडक २८ घण्टापछि हिजो बेलुकी ५ बजेदेखि खुलेको थियो । गएराति फेरी पहिरो खसेर सडक बन्द भएको थियो ।
माथिबाट लगातार ढुंगा झरिरहने भएकाले यो ठाउँमा जोखिम कायमै रहेको प्रहरीले जनाएको छ । पूर्व र पश्चिमबाट काठमाण्डौ जोड्ने मुख्य मार्ग भएकाले मुग्लिन–नारायणगढ सडक खण्डलाई लाइफलाइन पनि भन्ने गरिन्छ । यो सडक हुँदै दैनिक औसतमा १० हजार वटा गाडी आउजाउ गर्ने गर्दछन् । पटकपटक सडक बन्द हुँदा पूर्व र पश्चिम हुँदै काठमाण्डौ ओहोरदोहोर गर्ने यात्रु बढी मर्कामा परेका छन् ।
BMN News for up-to-the-minute news, breaking news, video, audio and feature stories.
-square-thumb.jpg)
