सिभिल लघुबित्त बित्तीय सस्था लि. शाखा कार्यलय खड्कभन्ज्याङद्वारा वार्षिक उत्सवको अवसरमा चौतारा ब्यबस्थापनको लागि डेक्स बेन्च बितरण

नुवाकोट- सिभिल लघुवित्त वित्तीय संस्था लिमिटेड शाखा कार्यालय खड्कभन्ज्याङ नुवाकोटले कल्याणी चौताराको लागि डेक्स बेन्च बितरण तथा श्री कल्याणी माध्यामिक विद्यालय बेलकोटगढी ८ जिलिङ कल्याणीमा शैक्षिक सामाग्री सहयोग गरेको छ ।

संस्थाको ११ औँ बार्षिक उत्सवको अवसरमा बिहिबार एक कार्यक्रमका बीच विद्यालयका  ३६४ जना विधार्थीहरुलाई शैक्षिक सामाग्री वितरण गरिएको हो । संस्थाले एघारौं वर्ष पुरा गरी बार्हौ वर्षमा प्रवेश गर्न गईरहेको सुखद उपलक्ष्यमा सामाजिक उतरदायित्व अन्तर्गत विद्यालयका कक्षा १ देखी कक्षा १० सम्मका अध्ययनरत  ३६४ जना दलित, विपन्न तथा गरिब विद्यार्थीहरुलाई शैक्षिक सामाग्री वितरण गरिएको संस्थाका शाखा कार्यालय थानसिङको शाखा प्रमुख सन्तोष शर्मा अधिकारीले जानकारी दिनुभयो ।

बेलकोट्गढी ८ का वडा अध्यक्ष सुरेश लाल चित्रकारको  प्रमुख आतिथ्यता तथा सिभिल लघुवित्त वित्तीय संस्था लिमिटेड चावहिल अनुगमन कार्यालयका अनुगमन अधिकृत निरन्जन दाहालको विशेष आतिथ्यतामा चौतारा ब्यबस्थापनको लागि बेन्च बितरण तथा  विद्यार्थीहरुलाई शैक्षिक सामाग्री वितरण गर्नुभएको थियो । 

कार्यक्रममा बोल्दै प्रमुख अतिथी चित्रकारले  वित्तीय संस्थाले बार्षिक उत्सवका अवसरमा चौतारा ब्यबस्थापनको लागि बितरण गरिएको डेक्स बेन्च र दलित,विपन्न तथा गरिव समुदायका अध्ययनरत विद्यार्थीहरुलाई गरिएको शैक्षिक सहयोगले उनीहरुको शैक्षिक गुणस्तर विकासमा सहयोग पुग्ने बताउनुभयो । सरकारी विद्यालयको शैक्षिक गुणस्तर विकासमा सबै निकायको सहयोग र सहकार्य आवश्यक हुने उहाँको भनाई छ। 

शैक्षिक सामग्री वितरण कार्यक्रममा वडा सदस्य गणेश प्रसार दाहाल, बिधालय ब्यबस्थापन समितिको अध्यक्ष अजयकुमार पुडासैनी ,बिधालयका प्रध्यानाध्यापक बुद्धि प्रसार पुडासैनी , स्थानिय समाज सेबि, राजनितिक दलका प्रतिनिधि ,सस्थामा आबद्ध रहेका सदस्य ,स्थानिय बासिन्दा, विद्यालयका शिक्षक, शिक्षिका, विधार्थी तथा संस्थाका सम्पूर्ण कर्मचारीहरुको उपस्थिति रहेको थियो ।