.jpg)
.png)
काठमाडौं- नेपालका नम्बर एक स्क्वास खेलाडी अरहन्त केशर सिन्हाले शनिबार पाँचौं धनलक्ष्मी स्मृति राष्ट्रिय स्क्वास प्रतियोगिता २०८० अन्तर्गत पुरुष एकलको उपाधि जितेका छन् । शनिबार सातदोबाटोमा भएको फाइनल खेलमा अरहन्तले दीपक थापालाई ११–६, ११–४, ११–८ ले हराए ।
महिला एकलमा कृष्णा थापाले पनि उपाधि रक्षा गरिन् । कृष्णाले विपना ब्लोनलाई ११–६, ११–९, ११–९ ले पराजित गरिन् ।
कृष्णाले गत वर्ष पनि विपनालाई नै हराएर उपाधि जितेकी थिइन् । विपनाले गत वर्ष नवौं राष्ट्रिय खेलकुदमा महिला एकलको उपाधि जितेकी थिइन् ।
यसैगरी ब्वाइज यु-१९ मा पासाङ ब्लोनले विकास मगरलाई ११–५, ८–११, ११–८, ११–५ ले पराजित गर्दै उपाधि जिते । यस प्रतियोगितामा पासाङको यो दोहोरो उपाधि हो । शुक्रबार पासाङ प्लेट विधामा पनि च्याम्पियन भएका थिए ।
यसैगरी मास्टर्स (प्लस ५०) एकल विधामा प्रवीणवीर सिंह कसाकारले फाइनलमा सुदीपबहादुर सिंहलाई ११–६, १२–१०, १०–१२, १०–६ ले हराएर उपाधि जिते ।
महिला र पुरुष दुवैमा उपाधि विजेताले नगद २१ हजार प्राप्त गरे भने उपविजेताले १५ हजार तथा तेस्रो हुनेले ५ हजार रुपैयाँ पाए । यू-१९ मा विजेताले ११ हजार पाउँदा दोस्रोले ६ हजार र तेस्रोले ३ हजार रुपैयाँ पुरस्कार पाए ।
BMN News for up-to-the-minute news, breaking news, video, audio and feature stories.
-square-thumb.jpg)
