.jpg)
.png)
सल्यान- सल्यानमा घरमा आगो लागेर आमा छोरीको भेटिएको शव अन्तत हत्या भएको ठहरिएको छ । भदौ ३० गते बिहान त्रिवेणी गाउँपालिका(२ मा ३२ वर्षीय रेवती थापा र उनकी ९ महिनाकी छोरी ऋतुको शव फेला परेको थियो। आफ्नै घरको कोठामा उनीहरूको शरीर आधा जलेको अवस्थामा फेला परेको थियो।
अनुसन्धानको क्रममा उनीहरूको हत्या भएको पुष्टि भएको हो। उनीहरूको हत्या गरी आरोपीले प्रमाण लुकाउन कोठामा आगो लागेर मृत्यु भएको देखाउन आगजनी गरेको खुलेको जिल्ला उच्च प्रहरी स्रोतले जनाएको छ । हत्यामा संलग्न एक जनालाई प्रहरीले पक्राउ समेत गरिसकेको छ।
‘हत्यामा संलग्न व्यक्तिलाई पक्राउ गरिसकेको र पक्राउ परेका व्यक्तिले घटना स्वीकार गरिसकेको प्रहरी अधिकारीले बताए । प्रहरीले यसबारे बिहीबार पत्रकार सम्मेलन गरी पक्राउ परेका व्यक्तिलाई सार्वजनिक गर्ने तयारी गरेको छ। अधिकारीले भोलि पत्रकार सम्मेलन गरी आमा(छोरीको हत्यामा संलग्न व्यक्ति र हत्याको कारण सार्वजनिक गर्ने बताएका छन्।
घटना शंकास्पद देखिएपछि केन्द्रीय अनुसन्धान ब्युरो ९सिआइबी०ले पनि यसमा सहयोग गरिरहेको थियो।
रेवतीका श्रीमान शुकबहादुर थापा रोजगारीको सिलसिलामा छिमेकी देश भारतमा थिए। श्रीमती र छोरीको हत्याको खबरपछि उनी घर फर्किएका छन्।
BMN News for up-to-the-minute news, breaking news, video, audio and feature stories.
-square-thumb.jpg)
